Thursday, May 27, 2010

పదకవితాపితామహుడికి పదపుష్పాంజలి

అన్నమయ్య కీర్తన అనగానే నా మనసుకు ఒక రకమైన పరవశం కలుగుతుంది. ఆయన కీర్తనలు వింటుంటే "ఆహా, ఎంత చక్కగా వర్ణించాడు? రోజూ ఒక్కరి మీదనే కీర్తనలు వ్రాస్తున్నా, ఈయనకి పదాలు ఎక్కడనుండి దొరుకుతున్నాయి? ఆ భావనది జీవనది కదా! ఆ భక్తిరత్నాకరంలో రత్నాలకు లెక్క లేదు!", అని అనిపిస్తుంది. "తెలుగుపాట" అన్న మాటకి పునాది వేసిన అన్నమయ్యని పొగడాలంటే మాటలు చలావు. కానీ, ఆ శారదాదేవి అనుగ్రహించనంతలో కొన్ని పదపుష్పాలను సమర్పించుకోవాలన్నదే నా ఆశ. ఆ పై ఆ శ్రీనివాసుడిదే భారం!


క్కడివయ్యా నీకీ పదములు
క్కగ అమరెను క్రి పదములకు

రి నా విభుని, డు కొండలపై, కోరి కీర్తనలఁ కొలిచెడివారని
నారదుడే నీ నాలుకముంగిటఁ, బారఁగఁ జేసెనా మహతీఝరులను
ఎక్కడివయ్యా ||

లకోకిలలా చిలుకగ పలుకులఁ, లకల కులుకుల లికి శ్రీరమణి
లుకుతేనెలతల్లి ద్మావతియే, చిలికినదా నీ జిహ్వపై సిరుల?
ఎక్కడివయ్యా ||

లమేల్మంగ ధరామృతమును, లదుకొన్న శ్రీరి పెదవులపై
పులకలు పొడమ పొంకపుమాటలఁ, తొలకాడిన స్వరధుని లోతులలో
ఎక్కడివయ్యా ||

నెలకొనె హరి నా నేలకు వచ్చి, కొలువుఁదీరెనే కొండలపైనని
లచి పదములను దాచి పంపెనో, తెలుగుతల్లి నీ దివ్యహృదయమున
ఎక్కడివయ్యా ||

ఈ పాటలో అన్నమయ్య శైలిని సాధ్యమైనంతవరకు అనుసరించాను.ప్రాసాక్షరాలు కనబడుతూనే ఉన్నాయి. యతి అక్షరాలను ముద్దగా (bold) దిద్దాను.

4 comments:

రవి said...

చాలా హృద్యంగా వ్రాశారు. "పొలకలు పొడమ పొంకపు మాటల.." అంటూ అన్నమయ్య బాణి కూడా అందంగా అనుకరించారు. వీలు దొరికితే స్వరాలు కూర్చండి.

Phanindra said...

adbhutamgaa undi sOdaraa! yati, praasalu paaTinchi ghanamaina padapushpam samarpinchaavu. dhanyuDavi.

naa Buzz lO endukO idi raalEdu. ninna Mouli nuvvuu, Kiran kuuDaa annamayya pai raaSaarani cheptE search chEsi paTTukunnaa.

Sandeep P said...

@రవి
నెనెర్లండి. పాట వ్రాసేటప్పుడు ఒక ట్యూన్ అనుకునే వ్రాశాను. సంగీతఙ్ఞానం లేనివాణ్ణి ఆ బాణీని ఇక్కడ ఎలాగ పెట్టాలో తెలియక ఊరుకున్నాను.

@ఫణీంద్ర
ధన్యోస్మి సోదరా. ఈ పాట నీకు నచ్చడం నాకు చాలా సంతోషం కలిగించింది.

ramakumari Balantrapu said...

అద్భుతం!!!!!!!!!!!!!