Monday, August 10, 2009

మరొక్క సారి మాస్టర్

శివ, రత్నం, సుబ్బు, సుద్దు అని నలుగురు మిత్రులు ఇల్లు అద్దెకు తీసుకుని ఉంటున్నారు. అందరూ కెరీర్లో మొదటిమెట్టు పైన ఉండటంతో అందరివీ చిన్న జీతాలే. ఇంట్లో వంట, సర్దుడు, చిమ్మడం వంటివి వంతులవారిగా చేస్తూ ఉండేవారు. ఎప్పుడూ సుద్దుగాడు అన్ని పనులూ తప్పించుకునే వాడు. ఒక రోజు అందరూ కలిసి ఎలాగైనా సుద్దుతో టాయిలెట్ కడిగించాలి అని నిర్ణయించుకున్నారు. సుద్దు రాగానే అందరూ లుంగీలు మోకాళ్ళ దాక చుట్టి, సిద్ధంగా ఉన్నారు. అప్పుడు సంభాషణ.

సుద్దు: ఏంటీ? అందరూ ఖాళీగా ఉన్నట్టున్నారు.
శివ: తమరు వేంచేస్తున్నారు అని మేము వెయిట్ చేస్తున్నాము.
సుద్దు: ఎందుకు? ఏదైనా విషయంలో నా సలహా కావాలా?
రత్నం: సహాయం కావాలి.
సుద్దు: ఏంటో! మీకు నా మీద ఈ నమ్మకం. సరే, చెప్పండి. ఏం చెయ్యాలి?
సుబ్బు: ఏమి లేదు. చాలా రోజుల బట్టి నీ చేత శ్రమదానం చేయించమని మన సెంద్ర బాబు తెగ మొహమాట పెట్టేస్తున్నాడు.
రత్నం: ఆ మధ్య నీ చేత అన్నం వండిద్దాము అనుకుంటే cookerనే పేల్చేసావు.
సుద్దు: ఏంటి మామ? ఇంకా ఆ చేదుగతం మరిచిపోలేదా?
శివ: అందుకేగా, నీ చేత మళ్ళీ శ్రమదానం చేయ్యిస్తున్నాము.
సుద్దు: నో నో నో.
రత్నం: ప్లీజ్ మాస్టర్.
సుద్దు: ఓ కే. ఇంతకీ ఏమిటి ప్లాన్?
శివ: టాయిలెట్ క్లీనింగ్.
సుద్దు: తప్పదంటారా?
సుబ్బు: పగిలిపోతుంది.
సుద్దు: ఏమిటి?
రత్నం: ముక్కు. అదే! క్లీన్ చెయ్యకపోతే ఆ వాసనకి ముక్కు పగిలిపోతుంది.
( టెన్షన్ తట్టుకోలేక మొత్తానికి సుద్దు కడగటం మొదలుపెట్టాడు).
శివ: మాస్టర్, మొదటిసారి అయినా మీరు అదరగొట్టేసారు మాస్టర్.
సుద్దు: నాకూ పెద్ద అలవాటు లేదయ్యా, ఏదో మీ ఉత్సాహం చూసి సరదాగా హంగు చేద్దామనిపించింది, అంతే!
శివ: ఈ శ్రమకి కొంచెం acid కలిసిందంటే దుమ్ము దులిపేస్తుంది.
సుద్దు: acid ఆ నా వల్ల, నో నో.
రత్నం: ప్లీజ్.
సుద్దు: ఓ కే.
(అయిపొయింది).
సుబ్బు: మాష్టారు, మాస్టారు క్లీనింగ్ లో మెగాస్టారు!
రత్నం: మాష్టర్, మనకు ఇంకో టాయిలెట్ ఉంది. మీరు తలుచుకుంటే అది కూడా అయిపోతుంది.
సుద్దు: నేనా, మరో టాయిలెటా? నో ఛాన్స్!
శివ: హే,ప్లీజ్ మాస్టరు. మీ టాయిలెట్ టాలెంట్ ఏమిటో మీకు తెలియదు. రిహార్సల్ లేకుండానే ఫస్ట్ టేక్ లో పూర్తి చేసారు. definite గా తరువాతిగది కూడా సూపర్ హిట్ ఏ.
సుద్దు: తప్పదంటారా?
శివ: తప్పదు!
సుద్దు: మీరు నా ప్రజలు,మీ కోసమే నేను జీవిస్తున్నాను. మీ కోసం ఏదైనా ఓ కే.

2 comments:

Sathish said...

bagundamma...master cinema ni baagaaaa follow ainattu unnav...dialogues correct flow lo rasav...great!!!

Mani said...

Baapu ramana combination (if I am not wrong)lo vachina cinema Mr.Pellam kuda adbhutamainadi.. andulo prathi scene chala chakkaga realistic ga untundi .. dani gurchi me abhiprayam rathe santhoshisthamu