శ్రీరాముని గొప్పదనం గురంచి చెప్పడానికి, ఆయన నామాన్ని వర్ణించడానికి గొప్పగొప్ప కవులకు కూడా పూర్తిగా సాధ్యం కాలేదు. అలాంటిది అల్పుణ్ణి, సామాన్యుణ్ణి నేను ఎంతటివాడను. ఐనా ఆ స్వామి కృపజేత ఏవో రెండు ముక్కలు నా నోట్లోనుండి వచ్చాయి. ఈ శ్రీరామనవమికి ఆ పరమాత్ముడికి నేను సమర్పించుకునెడి పదపుష్పాలు.
కం:-
నీమాలెరుగను, వేలుగ
నామాలును రావు, లేవు నైవేద్యములున్
ప్రేమారగ గొలిచెద నిను
నా మానసమందు నీవె నాథుడవనుచున్
కం:-
ఈ మాయాజగమునబడి
కామాదులజేత చిక్కి గాసిలు మాకున్
వ్యామోహముబోజేసెడి
రామాయను మాట గంటె రక్షయు గలదే?
No comments:
Post a Comment